Mih i awri hapyrdi ki ar jaitbru ha Assam | Chah pynyap ar ngut

Ka sorkar Assam da pyndam ko ya ka Mobile Internet ha Kokrajhar District hadien wa mih i awri hapyrdi ki ar jaitbru khnang wow lait u poor ki khubor thok lyngba ki Social Media. 

Ini i awri da sdang i ynnin ka 19 tarik hadien wa kawi ka kari wa em le ngut ki khynroo Bodo da tyrrah ki ya ki ar ngut ki Adivasi ha u sarok Mansingh Road hapoh ka Karigaon Outpost.

Ini da pynchrai i ya ki paidbah kiwa da thang ya ka kari wei da dat ki leh ya kini ki le ngut hadooh wa yap ar ngut.

Hadien ini ki bru na ki pyn ar jaitbru da khang ki ya u sarokbah NH27 ha Karigaon, deiwa thang ya ki chaka, ki yung wei da hiar thma ki leh ya ka Police Outpost.

Related posts

Kyrpaad u Sanbor ya u Montri ka sorkar pyrdi wow yada ya i rukom im ki Seng Khasi, Seiñraij wa Songsarek

January 20, 2026

Khut sñiawbha ka NPYF cha ka sngi pynkut ya ka 1st Wailadmiki Shylla Youth Festival

January 20, 2026

Ini i awri da joor i ynne heiwa ki bru da dat moo ki ya ki pulit iwa da pynbor ya ki pulit wow dat lathi ya ki paidbah wei da siat leh ya ki Tear Gas kamjooh wow siat cha suiñ wow beh ya ki paidbah.

Neiliang ki bor sorkar da phah ki leh ya ki pulit ka Rapid Action Force (RAF) cha Karigaon wow pynneh yei chongsuk.