Jowai: Ynne ka sngi da mih i awri awra ha kawi ka thaw khia wa em ha 7-mer wa tip kam ka 7th Mile Weighbridge heiwa kiwa yah truck da yaleh pyrchah ki ya kiwa kreh kani ka thaw.
Katkam ka ujor ki wa ki pulit, ki Enforcemt Inspector u K. Tynsong wa u H. Paswet, da ong ki wa heipor wa pyndep ki yei kaamram yong ki heipor chiteiñ sngi da em ka truck 12 chaka wa em ya u No.JK02 BM 3886 da yait ko ya i thaw khai ha kani ka thaw wei da yut ko.
Hadien wa yut kani ka truck da kdong ya ka wei da wanrah ya ka cha 7mer wowthaw khia biang ko.
Hadien ini uwa yah kamjooh u handyman da sdang awri, da kah ki ya ka sarokbah da ka truck yong ki wei da jrong kti ki ya kiwa kreh kani ka thaw kamjoh leh da khut ki ya kiwi kiwa yah truck wow kah ya u sarok.
Kiwa yah truck kamjooh kiwa yarap da sai ki ya ki naar wa ki wait dei thmu wow pynmynsoo ya kiwa kreh kamjooh leh da sdang pakhot ki da ki moo ha ini i thaw heiwa da mynsoo ki kattu katni ngut kiwa kreh ha kani ka thaw.
Hadien ini i awri da wan noh ki pulit na 8-Mer wow pynyasuk ya kini pyn arliang wei ha ini i jia da em kiwa mynsoo leh kiwa kynthup ya kiwa kreh kani ka Weighbridge.
Hei yatoh wa ini da ujor pyrchah ya kiwa yah kamjooh ya ka truck wa em u No. JK 02 BM 3886 wa JK02 BL 3212.
Heijooh i por da kem leh ya u Ghulam Rasool (20 snem), u Mhmd. Rafiq (40 snem), u Md. Shahazan Choudhary (18 snem i rta) wa u Md. Talib Hussain (19 snem).
(Feature Image- File Photo)
Discussion about this post