Mih i pyrchah yei thung kreh ya ki 1200 ngut kiwa sikai skur

Uwi na kiwa kreh monsñiawbha na Ri-loom Garo, u Flaming B. Marak uwa man leh kam u District Secretary (Youth) ka Human Rights and Anti-Corruption Youth Power of India da dawa u wa katkam ka aiñ Right to Education Act, 2009 wei kamwa da pynbna ka NCTE (National Council for Teachers Education) kawa da pynmih hukum lyngba ka Department of School Education & Literacy, Ministry of Human Resources Development, ka sorkar India ha ka 29-07-2011, ka jylla Meghalaya da hap ko wow pynman ya ka MTET Examination yow pyntikna wa biang kyrdan kiwa sikai skur Lower Primary wa ki skur Pre Level ha waroh kawi ka jylla Meghalaya kamtæ hei sien wa nyngkong da pynman ya ka MTET ha ka 31-01-2019 neibynta kiwa sikai Primary hapoh ka jylla wei ya ka Result da pynbna ha ka 25-02-2020.

Kiwa chah ktah hadien wa pynman ya ka MTET heiwa da dooh kreh ki, da lai ki cha ka High Court ka Meghalaya heiwa ya kani ka mukotduma da pyndam noh deiwa e daw wa ka NCTE da klam che ko wa lyngba ka hukum ka Education & Literacy, Ministry of Human Resources Development, ka sorkar India kawa da pynmih ha k 29-07-2011, kiwa sikai emkaam ki wow pyndep ya ka MTET.

Kamtæ hajrong ini i pynmih hukum ka NCTE, ka sorkar Meghalaya deiwa bood leh ya ka hukum ka High Court wa da pynmih ha ka 05-10-2020, heiwa kamwa 2000 ngut kiwa sikai wa man kam ki Contractual Teacher ha waroh kawi ka jylla Meghalaya da chah pyndooh kreh ki dei thmu wow thung ya kitu kiwa da pyndep ya ka MTET. Tangwa kitu kiwa da pyndep ya ka MTET dang yang ki hadooh katni wow chah thung kreh.

Neitæ won ha kani ka dorbar mang tangka ka sorkar jylla wa dang dep, da pynbna da u Montri ka chnat puræ puthi wa daw thung 1200 ngut kiwa sikai chipor (Temporary Teachers), kamtæ neiliang u Flaming B. Marak da ong u wa lada thung ya ki 1200 ngut ki Temporary Teachers daw man ko pyrchah ya ka hukum wa ki kyndon ka NCTE kamjooh ki kyndon ka sorkar India deilang wa ka hukum ka High Court.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hajrong ini da kyntu ya ka sorkar wow bood ya ki kyndon ka aiñ Right to Education Act, 2009, ka aiñ NCTE Act, ki pynbna sorkar wa ki hukum ka High Court hawa thung kreh ya kiwa sikai deiwa jied chwa ya kiwa da pyndep ya ka MTET kiwa dang yang hadooh katni wow yoh kreh katkam i hok yong ki.