Mih i pyrtuid u khon ka Montri warim hei tyrrah ka kari ya ar tylli ki Scooty ha Shillong

Ynnin i miet da mih ka khubor heiyatoh wa i chah tyrrah ki ar tylli ki Scooty ha kawi ka kari hajan Bawri Mansion, Dhanketi ka sor Shillong heiwa uwi na kiwa chong Scooty dapoi ICU u katwa uwa yah kari da yut u.

Neiliang ki pulit da ong ki wa kani ka kari Ford EcoSport em ko u Number ML-05-P-2414 wei katkam ka khubor wa da yoh da ong wa i pyrtuid u tre kani ka kari toh u Ruchir C. Marak tangwa ym pu tip uyi wa yah ka heipor wa jia ini.

U Ruchir toh u khon ka Montri warim ka sorkar jylla kawa jooh man leh kam ka MLA warim ka Williamnagar, ka Deborah Marak.

Heijooh i por katkam ka khubor wa da yoh na ki pulit, u Ruchir da suba wa emkti u ha i kaam tyrrah kari ar snem nachwa ha ka 17-01-23 heiwa da yap leh uwi u bru ha Williamnagar weiwa da lait jamin noh u.

Related posts

Dai pyrchah aiñ cha u baar jylla yei thaw wa em ha Daistong yow sdang ya ka Shree Cement: JNC

November 28, 2025

Chem ka KSU lyngba ka RTI wa u VC ka Law University pynlut u Rs. 3 lak kam ka bai kiad | Rs. 15 lak tam hei lai i wan

November 28, 2025

Hadooh wa pynmih ya kani ka khubor ympu tip lada da wan pyndem u Ruchhir ha ki pulit ka sor Shillong.

Kam wow pynkynmoo wa ha iwa jia ynnin i miet heipor kamwa 10:30, kini ar tylli ki Scooty toh kiwa dang mut wow lai cha Law College deiwa wan neiliang Malki wei kani ka kari won toh kawa da wan mar pyrchah wei da ya tyrrah mar dei khmat heiwa ha kini ki Scooty da em mar ar ngut wa chong wei da mynsoo ki waroh heiwa da kit ya ki cha Woodland Hospital wa cha Civil Hospital, Shillong.

Na kini kiwa mynsoo, uwa tip kam u Lamjingshai Kupar Nongbet da em u hapoh ICU ka Woodland Hospital.