Jowai : Ka esikai mynkna hapoh ka Chief Minister’s Career Guidance & Counselling Programme kawa da tip kam ka “Medical/Engg. Entrance Crash Course” kawa da sdang ynne ka sngi ha Thomas Jones Synod College, Jowai da mih i kulmar heiwa waroh ki khynnah da yoh ki ya ki SMS wa pynbna wa ki da chah jied ki yow yoh ya kani ka esikai mynkna.
Da wan plalat 200 ngut ki khynnah puræ hadien wa bakla ki wakreh ka Sachdeva College kawa pyllai ya kani ka esikai. Katkam wa pyntip nadooh wa sdang wa hadien wa pyndep chwa ya ka Entrance Test daw jied du 100 ngut ki wow yoh ya kani ka esikai. Ynne ka sngi da wan lut waroh ki khynnah wa yaleh ya kani ka Entrance Test neidaw wa yoh ki ya i SMS wa pyntip cha ki wa da chah jied ki.
Da em leh 32 ngut kiwa booh ha ka Waiting List la da em na kitai ki 100 ngut wa dam.
Kamtæ neiliang u DC ka West Jaiñtia Hills hadien wa pynche u cha ki khynnah wa emlang ha kani ka sngi da ong u wa hamdooh mynsien neibhah daw pynman biang sa chisein ya kamni ka “Coaching Class” heiwa ya kiwa chah jied daw e leh ya ki ya ka Scholarship hadooh T. 18,000.
Neiliang uwa mihkhmat na ka Sachdeva College hadien wa yoo u ya ini i wan chongchit ki khynnah puræ ong u wa daw bahkhleih ko da ka ya ki 7 ngut ki khynnah iwa mut da chah jied 107 ngut ki khynnah ha ynne ka sngi.
U DC da pyntip u leh wa ka sorkar da pyllut ko T. 50,000 ya uwi næ ka wi ka khynnah ha kani ka esikai mynkna wei daw wan leh boon ki nongsikai wa stat bha hadooh uwi napoh America. Ki khynnah daw yoh sikai ha ki subject Physics, Chemistry, Mathematics, Botany wa ka Zoology.
Ya kani ka esikai daw pynman ya ka hadooh wa kut u Naisan (May).
Discussion about this post