Ki dkhot yong ka Khasi Students Union (KSU) ynne i step da mih syndet ki deilang wa ki Placard wei da kbai ki wow dawa ya ka Inner Line Permit hakhmat yong ka skurbah NEHU hawa u Union Education Minister, u Dharmendra Pradhan da lai u wow embynta kam u kongsan ha ka Convocation yong katai ka skurbah.
U Pynkmenlang Sanmiet da ong u wa i mih yong ki dkhot ka seiñ toh neidaw wa mutlop ka sorkar pyrdi wow e ya ka ILP wot hadien wa ka jylla da dep wei mynjur namo Pass ya ka rai (Resolution) hapoh ka yung dorbar chna aiñ.
Da pyntip u wa hadien ini i mih dawa ILP yong ki dkhot KSU, da yoh wow yaklam syndon wa u Union Minister uwa da pynsñiaw wa daw rah u wow pynsñiaw ya kani ka dawa ILP ha Delhi.
Hadien wa yoh yutip ya ini i wan u Union Minister, neiliang ki wakreh ka All NEHU Workers Union (ANWU) leh da mih ki cha sarok deilang wa ki Placard wow dawa yei hok i yong ki.
