Shillong: Ka Meghalaya Football Association (MFA) ynne ka sngi da pynbna ko ya ki 20 ngut ki dkhot yong ka kiwa daw lai chimbynta haka Santosh Trophy North East Zone Qualifiers.
Kiwa chah jied toh kiwa na Ri-Bhoi, Khasi wa Jaiñtia kiwa da chah Coach ha u Khlain Pyrkhat Syiemlieh, daw mih ki wow lai cha Aizawl mynstep i step.
Ka Meghalaya da em ko hapoh ka Group A deilang waka Tripura waka Mizoram. Haka Group B da em ka Manipur, Assam, Arunachal Pradesh wa Nagaland. Kiwa yoh nyngkong na kini ki Group u yoh ki u lai chakhmat.
Ka Meghalaya u yachem ko waka Tripura haka 11 tarik uni u bnai katwa ha ka 15 tarik daw yachem ko waka Mizoram.
Katkam ki kyndon ka Santosh Trophy emkaam 5 ngut kiwa yalehke kiwa em hapoh 21 snem (U-21).
Ynne ka sngi hadien wa pyndep ya ka esikai, kiwa yalehke da yoh ki ya ki ktien pynchlur na u Senior Coach u Hering Shangpliang wa na u CEO ka MFA u Arki Nongrum hei emlang kiwi ki heh.
Kiwa yalehke ka Meghalaya man ki kamni ha wah:
Goalkeepers: Frolicson Dkhar (West Jaintia Hills), Kenio Lyngkhoi (East Khasi Hills).
Defenders: Brolington Warlarpih (East Khasi Hills), Batskhem Tariang (West Jaintia Hills), Donborlang Nongkynrih (East Khasi Hills), Arnesius Marwein (U-21, East Khasi Hills), Mediphrangki Pohlong (U-21, West Jaintia Hills), Banpynkhrawnam Nongkhlaw (East Khasi Hills), Niawkorlang Kyndiah (West Jaintia Hills), Skhemthik Salahe (U-21, East Jaintia Hills), Samuel Shadap (East Khasi Hills).
Midfielders: Rimitre Thma (West Jaintia Hills), Roikhihbha Nongtdu (East Jaintia Hills), Chanmitre Thma (West Jaintia Hills), Ronald Lyngdoh Nonglait (Ri-Bhoi).
Forwards: Ebormi Buam (West Jaintia Hills), Damonlang Pathaw (U-21, East Khasi Hills), Raikutshisha Buam (U-21, East Jaintia Hills), Kynsaibor Lhuid (West Jaintia Hills), Donlad Diengdoh (West Khasi Hills).
Officials: Khlain Pyrkhat Syiemlieh (Head Coach), Dious Lapasam (Assistant Coach), Matheus Khyriem (Manager), Sandarson Kharbyngar (Physio).
Discussion about this post