Ki dkhot ka seiñ kiwa yarap ki 9 tylli ki chnong yong ka thaaiñ Pasadwar, Lumpyngngad, Kharkhana, Kwator, Borghat deilang wa ki chnong wa marjan, haka 14 tarik uni u bnai da mih paidbah ki yow pynchna ya u surok yong ka thaaiñ neidaw wa da joor wa sih u khamtam heini por slap ha ki bynta wa em ki 3 tylli ki wah, ka wah Amlati, wah Amkyrchoh waka wah Ammara.
Kini ki bynta toh kiwa khlan bha u chlai um neidaw wym em ki yingkieñ wei manda wan ka um wa heh da booh ko hei maa yei mynsien bru wa lai wa wan neibhah ka um wa khlanbor da lai ko najrong u sarok iwa da pynchitom bha khamtam ya ki khynnah skur kiwa na ka chnong Kharkhana kiwa lai skur cha Borghat lyngba uni u surok.
Kam wow pynkynmoo wa ha kini ki snem wa da lai da em leh i chah rah ki kari haka um ha kini ki bynta yong ka wah.
Manda jia ini, kiwa chong chonng ka thaaiñ da chem chitom ki leh wow pynpoi ya ki mar rep yong ki cha ki yaaw ki haat, khamtam dooh manda em i kjut i chitom hadooh wym ye de u poi cha ki thaw sumaar lyngba uni u surok uwa da sih bha.
Kamtæ da kyrpaad ki leh ya ka sorkar wow kyruiñ cha ki yow pynchna pynmiat ya uni u sarok uwa man u budloom yong ka roi ka paar kani ka thaaiñ.
Puræ leh: Sah kut ki paid ka chnong Kharkhana wa chlai ka um chadooh u sarok
Puræ leh: Da thut i lai i wan cha ki chnong khappood nei joor u slap
Discussion about this post