Mih ka seiñ kiwa kreh Contractor yow thooh bniah ya iwa boon i eh heiyatoh ka GST, ka Bill wa kiwi

Kiwa da Register kam kiwa kreh Contract ka Ri-loom Jaiñtia hadien i yachem yumut ki para wakreh Contract hajrong boon i eh i khoo i wym sñiawthooh wym che ki wa kynthup heiyatoh waka GST, Tax, Bill wa kiwi de, da chim ki ka rai u sdang noh daka seiñ wa tip kam ka All Jaiñtia Contractor and Supplier Association.

Wei haka yalang wada pynman ki haka 20 tarik uni u bnai da jied haroh ki ya kiwa ksoh kaam wa chipor ka seiñ ki wow pynlai bait yei kaam kat wym pu dep jied yaki dkhot wa pura da ka General Meeting.

Kiwa ksoh kaam wa chipor kynthup i ya u President, u Welcome Langi, u Vice President, u P. Dkhar, u General Secretary, u R.K. Petrus Rymbai, u Asst. Secretary, u F. Manar, Finance Secretary, u L. Dkhar katwa ki dkhot won kynthup ya waroh ki Contractor.

Hei yaklam wa u President wa chipor, u Welcome Langi khana u wa lyngba kani ka seiñ daw li thooh yutip ki hajrong waroh i eh ki khoo i wym sñiawthooh wym che ki heiyatoh i rukom pynlai ka sorkar hawa yatoh waka GST, Tax, Bill wa kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Khana haroh u wa daw em won ka yalang wa rap heh namo ka General Meeting haka 02-02-24 heiwa ha kani ka sngi daw jied pynskhem ya kiwa ksohkaam wa pura.

Kamtæ da khut kyntu u ya waroh ki para Contractor, ki Supplier wow wanlang ha katai ka yalang la kiwa em haka sorkar næ ki wym em leh, neibhah i sdang ya kani ka seiñ toh yow kreh salonsar neibynta i bha i miat kiwa kreh Contractor hi.