Shillong: Ka Muay Thai Association of Meghalaya sa chisien da phah ko ya ya ka dhab yalehke Martial Arts Muay Thai kawa da tip kam ka “Arts of Eight Limbs” cha ka Ranking Tournament yong Muay Thai ka wow man ha Pune neibynta ka National Muay Thai Championship 2018 wa da pynman da ka United Amateur Muaythai Association-India (UAMA-India) ka wow man nadooh 15 hadooh 18 tarik uni u bnai.
Ki Internal Referee wa ki Judge ha ka Muay Thai wa u Angelus Sun President MTAM ryngkat wa kiwa kitkaam wa hakhmat kam u Fourwell Lyngshiang Khongmalai daw yah ki ya kini kiwa yalehke ryngkat ki arngut ki International Muay Thai Athletes ka Monica Nongrum, na Umsawnongkharai Ri Bhoi wa u Babit Kharsahnoh na Smit.
Ha ka yalehke National Championship 2017 kawa da pynman ha SAI SAG Indoor Stadium NEHU Campus, Meghalaya Team da yoh ko yei naam Overall Best Team ha ka yalehke Muay Thai ha ka ri waroh kawi.
Ka Muay Thai Association of Meghalaya kyrmen ko wa ka Organising Committee ka National Games 2022 ha Shillong wow kynthup ko ya ka Muay Thai kam kawi na ki yalehke Martial Arts Discipline neibhah kiwa yalehke ka jylla da pynyoo kiyei sap wa ye u rah takma ksiar, takma rupa wa takma tama leh ha man ki National Championship.
Discussion about this post