Ka Synjuk ki Waheh Chnong Iooksi Pyllun (5 Waheh Chnong) ynnin ka sngi deilang wa ki paidbah wa chong chnong na ki chnong wa marjan da pynchna ki ya u sarok nadooh Umdeinlin chadooh cha Talow wa Umbluh.
Uni u sarok toh u sarok wa ki paidbah warep na ka chnong Iooksi Pyllun deilang wa kiwa chong chnong wa marjan da jooh pynemkaam bha neibynta wow lai bri lai lyngkha, kit moo kit chyiap wei kit dieñ kit siej wei da man u leh kam u budloom yong ka roi ka paar ki paidbah wa chong chnong ka thaaiñ Iooksi.
Ki spah ngut ki paidbah kiwa chong chnong ka Iooksi Iapkhla, Iooksi Kyanmynsar, Iooksi Tongkiad, Iooksi Priang wa Iooksi Umdeinlin deilang wa ki chnong wa mar jan kam ka chnong Umsalait da hiar ki deilang wa ki wakhu wa ki lyngka yow pynchna ya uni u sarok.
Neiliang ka synjuk da e khublei ko ya u Nehemayah Tyngkan uwa man uwi na kiwa chong chnong uwa da yarap kyllooid mynsien na kata yong oo hi da ki moo neibynta wow pyndap ya waroh ki thlu wa em ha tymbud uni u sarok.
Da e khublei leh ya ki bru paidbah ka thaaiñ kiwa da smat wow e sñiawbha da ki Bolero Pick-up neibynta wow pynpoi ya ki moo cha ki thaw wa chna sarok, da e khublei leh ya waroh ki paidbah kiwa da wan wow e ya ka kti tidiang timun.
