Ki dkhot ka VDP ka Dorbar Chnong Wahiajer da mih ki wow maham ya kiwa yah kari wa lai lyngba u sarok chnong Wahiajer wym hoi u pynhær palat ya 40 km/h, u pynheh sur wei wow noh jhep napoh kari cha rood sarok ha ki bynta wa haap hapoh u pood u ang ka chnong Wahiajer.
Da khang leh wow booh da ki LED Light ha ki kari, ym chah leh u yieñ ki kari dei miet hapoh i thaw wa doom, u chong dih kiad, u biah yit yong wa kiwi kiwi de.
Neiliang ka VDP ka chnong Wahiajer, kam i dak wow pynche chaphang ini waroh, ynne i step da mih ki wow saam leh da ki kot lakdop cha waroh kiwa yah kari yow tip ki wow bood kyndon wei wow ya krehlang waka chnong.
Ka VDP chnong da ong ko wa lada chem ya kiwa yah kari kiwa yaleh pyrchah daw pynchitom ki katkam ki kyndon chnong wei daw leh yeiwa emkaam.
Discussion about this post