Mih kiwa kyrchaan ya u PN Syiem na ka PDF wow kyrchaan ya ka Congress ha Mawsynram

Shillong: Kamwa 20 tylli ki manyung na Kmawanrum Unit, Sawsymper Area kiwa jooh kyrchaan ya u MLA warim ka Mawsynram, u Pynshngain N Syiem da mih noh ki na ka People’s Democratic Front (PDF) wei da lai kyrchaan ki ya u kyrtong ka Congress, u Himalaya Shangpliang.

I daw wa mih ki na ka PDF toh neidaw wa kam ki wa thok u Pynshngain N Syiem, MLA warim ka Mawsynram Constituency ya kiwa kyrchaan ya oo.

Kini kiwa kyrchaan warim ka PDF da phah ki da ka chithi ha ka janmiet ka 20 tarik cha u President ka Unit wow pyntip wa da mih ki naka PDF.

Kini ki 20 tylli ki manyung kynthup ki ya u Boniphas Lyngkhoi, u Johnvianny Kharbani, u Broswell Lyngkhoi, ka Shimtilin Lyngkhoi, ka Aitimery Lyngkhoi, ka Glanitmery Lyngkhoi, ka Taiphas Lyngkhoi, u Johtarsing Lyngkhoi, u Petersing Lyngkhoi, u Welson Nongsiej, ka Dahunsimery Lyngdoh, ka Monisha Wanniang, ka Emilia Nongsiej, u Cosmas Lyngdoh, u Donbok Lyngdoh, ka Benisha Lyngdoh, u Rolningstar Lyngdoh, ka Diloris Lyngkhoi, ka Binolis Wanniang, ka Brijita Nongsiej, ka Sebela Nongsiej, u Rodilir Lyngdoh wa ka Blisfulda Lyngdoh.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka jooh hi ka janmiet waroh kini ki manyung da lai psiah noh ki cha ka Party Congress wei da pdiang burom ya kini kiwa kyrchaan warim ka PDF da kiwa kitkaam ka Congress Mawsynram, hei emlang u Khelor S Kharnaior, President ka Mawsynram Block Congress Committee, u Suly Lyngdoh, u Bhalang Kharbani, u HM Shangpliang uwa man leh kam u kyrtong ka Party ha ka yalang wa pynman ha Kmawanrum.

U Boniphas Lyngkhoi hei klam yong oo da pyntip u wa i mih kini ki 20 tylli ki manyung ka seiñ PDF toh neidaw wa nadooh wa pynjop ki ya u PN Syiem, kam u MLA wa u MDC hadooh katni ym pu em u yoh ya ka yarap ki wei da kut ko du hei kular donhi.

“Kawa pynsñiawsih ya i kiwa kyrchaan toh wa man ka por phah u wow wanrah ya ki pyrtuid ki manyung wow e Scheme wei da kot i wow ku cha Shillong hadooh katni wei nadooh wa pynbna Election ha Meghalaya i ym jooh yoh i iyi iyi leh lait noh ka kular kamtæ ym yohsa de wow kyrchaan ya u kyrtong ka Congress,” da ong Lyngkhoi.

Da ong u leh wa da jied wow kyrchaan ya ka Congress toh neidaw wa u HM Shangpliang da iehnoh u ya ka chuki sahep sorkar wow kit ya ka lyngkor kawa khia hapoh ka Mawsynram Constituency.

Da khut u leh ya ki paidbah wow wan kyrchaan pura ya u kyrtong ka Congress neibhah man u leh uwa smat wow yarap ya kiwa dooh wa duk.