Jowai: Ki dkhot yong ka Hynñiewtrep Achik National Movement (HANM), Ladrymbai Circle, Narwan Unit wa Musniangrim Unit, East Jaiñtia Hills, ynne ka sngi, kiwa yahkhmat yong ka seiñ kiwa kynthup ya u Ency Shadap yong ka Ladrymbai Circle, u Wansalan Nongrum, u Lektor Dkhar Narwan Unit, u Kartik Shadap wa ka Musniangrim Unit hapoh i yahkhmat yong u Marcus Phawa, da phah ki ya ka chithi iehnoh kaam ka yong ki cha kiwa yahkhmat ka HANM seiñbei.
Neiliang yong kitai kiwa yahkhmat ki Circle wa Unit, nadooh ynne ka sngi da rai ki wow iehnoh ya i man kam kiwa yahkhmat wei wow man dkhot hapoh ka HANM, deiwa pynsñiaw wa ym em iyi iyi i huri hura tangwa toh dei mon yong ki hi.
Neiliang yong ki da kitbok kitrwiang ki ya kiwa yahkhmat yong ka HANM wow nang ku ki chakhmat wow nang kreh chitom neibynta ka ri wa ka jaitbru yong i.
Ini toh katkam ka kyrwoh na u Publicity Secretary, HANM Ladrymbai Circle u Lektor Dkhar.
