Ka Army Service Corps Motorcycle Display Team ya kiwa tip kam ki “Tornadoes” kiwa da sdang i lai luti na Tezpur ha ka 1 tarik uni u Naichiphaw da mih ki na 101 Area, Shillong hadien wa kaweh lama u Lt Gen KC Panchanathan, AVSM, GOC 101 Area ynne ka sngi.
Kini ki chipai da lehwarom ki ya ki chipai ka ri kiwa da khlaad ha ka thma ha ka thaw pynsahkynmoo ya ki namo ka War Memorial chwa wow mih ki na Shillong wei da lai ki ka luti na Tenga Valley-Bomdila-Sela Pass-Tawang-Fwd Posts of Tawang-Kalaktang-Guwahati-Shillong-Kombrian-Imphal-Dinjan chwa wow pynkut ha Gajraj War Memorial, Tezpur ha ka 17 tarik uni u bnai deiwa lai 2600 Km ha ki 17 sngi.
Ki “Tornadoes” man ki ka bynta wa kongsan bha ha ka Indian Army, nadooh wa sdang ya ki ha u snem 1967, heiwa da em ki 32 tylli ki World Record hawa pynyoo yei sap yah thuk-thuk.
Ha ka 8 tarik u Kmaichonglad 2022 ka Army Service Corps daw lehkmen ko ya ka 11th Reunion and 262nd Corps Day. Ki Tornadoes wa wan cha thaaiñ mihsngi kynthup ki ya ki 15 tylli ki thuk-thuk Royal Enfield wa yahkhmat da u Maj Ramya Venkat wa u Capt AS Grewal.
Puræ leh: Chibynta yong ka 2600 Km i lai luti da ki thuk-thuk wan poi ki “Tornadoes” ha Shillong
