Mih Paidbah ka chnong Pommura wa Mawryngkneng yow pyrchah ya ka Winestore u Ernest Mawrie

Jowai : Haka 25 tarik uni u bnai heipor 10 waje i step da ki spah ngut ki paidbah ka chnong Pommura wa Mawryngkneng da pynman ki yei lai paidbah yow tia cha i dukan Winestore u Ernest Mawrie yow pyrchah yei em ini idukan wei da dawa leh yow khang noh ki.

Ha katai ka jooh ka sngi ki bru ka tnat Excise Department da emlang ki yow takit ki yei daw wa pyrchah ki bru ya kani ka dukan dai kiad. Kam i daw wow pyrchah ya ini i em ini i dukan da mih ki paidbah kini ki ar tylli ki chnong.

Tangwa neiliang kini ki chnong da sñiawphylla ki ya kiwa kreh ka tnat Excise u R. Marbaniang Inspector of Excise wa u A. Mawrie Assistant Inspector neidaw wa takit ki ya ki 98 ngut ki bru wa soi pyrtuid ha ka chiti wa ujor pyrchah ya kani ka Winestore wei da phah rah ki leh ya ki Epic yong ki waroh. Ini da kam ki tre chnong da man i kaam i pynchiton yaki tre chnong.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Heitai i por da mih i yañia ha pyrdi kiwa yalam chnong wa kiwa kreh ka tnat Excise yei daw wa chah takit kini ki 98 ngut hawa ha kani ka sngi da em da ki spah ngut ki paidbah wa wan pyrchah ya kani ka Winestore, wei wa yei daw wa haap sai ki ya ki Epic yong ki.

Neiliang kiwa yalam chnong da ong wa ki ye ki u pynsakhiat wa waroh toh ki tre chnong tangwa neilaing kiwa kreh ka excise ong ki wa ym chaniah ki ya kiwa yalam chnong.

Ki tai ki kyntien wa mih naki bru ka Excise da pynchrai ki hær heiwa ki paidbah da phah ki ya kiwa kreh ka Excise yow takit ki ya waroh ki paidbah tangwa kiwa kreh ka excise da kyntait ki yeini.

Ini i leh kini kiwa kreh ka excise da pynsuba ki yaki paidbah wei da artatien ki ya kini kiwa kreh ka excise iwa da suba wa em iyi iyi wa thmu kini kiwa kreh excise.

Neiliang kiwa yalam chnong da ye ki u pynsuk yaki paidbah wei da lait u mih iwon iwon wa sñiawsih.

Ki paidbah hadien ini da mih ki wei da lai yalang ki ha Madan Ball ka dong Pomlahier heiwa da pynman da ka yalang hei pyllai u Lambhalang Nongshli, da klam leh u Peter Lawai, Sordar Mawryngkhneng, Wanlambok Kharsati, General Secretary, Mawryngkhneng wa ki bru paidbah wei da rai leh da iwi i sur yow pynman da ka Public Hearing yow yohlaad ki paidbah u pynsñiaw yei sur yongki hei yatoh wa kani ka winestore

Kani toh katkam ka khubor wa da pyllait da u Reallystar Nongspung, General Secretary, Dorbar Chnong Pommura.