Ka MLA ka NPP na Laitumkhrah kawa man leh kam ka Montri sorkar, ka Dr. Mazel Ampareen Lyngdoh da mih i pyrtuid ko kam kawa em hakhmat kawa ye u chah pynyieñ kam ka kyrtong MP ka National People’s Party (NPP) na Shillong ha ka Election Lok Sabha wow man ha u snem wa daw wan.
Ka Ampareen ym em kyntait næ pdiang ko ya ini hawa kylli na ka tangwa da ong hi-eh ko wa bien hi ko wow yakhun Election lada yoo biang ka Party ya ka neibhah ka toh kawa smat wow chakri ya ki bru ka jylla.
Ka NPP toh ka wym pu em pynbna ya ki kyrtong yong ka na Shillong wa na Tura heiwa ini wa dep u State President wa thymme ka Party NPP da dep ong u wa da em kiwa boon kiwa da paan Ticket wei u Marcuise N Marak, uwa man leh kam u State Working President da dep ong u wa em i pyrtuid u HM Shangpliang kam uwi wa ye u pynyieñ ka Party.
Hadien ini won da mih sa i pyrtuid u Dasakhiat Lamare nitæ i pytyuid u George B Lyngdoh tangwa oo won dang neh hi u hapoh ka TMC wei hadien ini da mih leh sa i pyrtuid u Hamletson Dohling kiwa waroh man ki MLA warim.
Ka NPP da dep ko wow ong ini wa dep wa ha uni u bnai u pynbna yei pyruitd ki kyrtong MP.
Discussion about this post