Sa iwi i rukom thok chukor da mih pyrthai i heiwa da em ki bru wa da yoh ya ki WhatsApp Message na ki bru kiwa da kam toh ki bru wakreh sorkar nadooh u DC, SP wa kiwi de.
Katkam wa pyntip ki pulit ka West Garo Hills kiwa boon ki bru wa da chah thok toh kiwa yoh ya ini i Message na u Number 8420621299 kiwa da kyrpaad ya ki wow thied ya ka Amazon Gift Cards deiwa e boon ki daw nadooh wa dang boonkaam te ym yoh por wow leh da ki hi wei daw su biang ya ka poisa wa da pynlut ki.
Neiliang ki pulit da kyntu ki ya ki paidbah wym toh u chah pynbiej ha kam kini ki bru.
Em ki bru wa da chah pynbiej hanla ym tip ki yei number du neidaw ha i dur Profile da booh da ka chap sorkar. Em leh kiwa da yoh kam kini ki jooh ki Message wa em biang i chap ka sorkar kiwa da kam toh ki Montri sorkar wei i rukom phah Message leh heitæ i rukom kamwa tipmit ya ki bru wa yoh ya ini i Message wa i thaw kreh ki.
