Jowai: Ha kani ka sngi dep bibar ka 5 tarik Naichiphaw da em i seiñ thymme sa kawi ka seiñ krehmon sniawbha kawa da e pyrtuit ka Federation of All Jaiñtia People (FAJP), heiwa da jied leh ia ki nongkitkaam iong ka.
I thmu kani ka sein toh u kyntu ia ka imlang sahlang waroh kawi, kam ha i liang i puræ puthi, i cheit i khiah wa kiwi kiwi kiwa iatoh wa i roi i par. U peit u yoo wa waroh ki skim sorkar kiwa wan na ka sorkar jylla kamjooh na ka sorkar pdein toh u pynkrehhok iaki hapoh Ri-loom Jaintia. U peit wa ki MP, MLA, MDC toh u pynkrehhok ki ia ki skim watoh u e ki cha ki paidbah. U ialeh pyrchah ia ki bamsap bamtap, u ialeh pyrchah ia i wan tooid ki bar jylla kamjooh ki mynder, u iada ia ki hok iong kitu ki bru wa chah banbein chah niaw chiliang khmat.
Ha chwa u pynskem ia ki nongkitkaam da ioh chwa i klam i kyntu na ki nongialam kiwi tawan ki sein kiwa chah khut wow sakhi ya ini i pynmih sein thymme, kam na ka JNU, RJYF, JSM, da ioh leh i klam na u Dapoi Laloo President ka MPUF bood won sa i chim smai.
Ki nongkitkaam iong kani ka seiñ FAJP man kamni: President – Pheros Nongbah, Vice President – Daimon Dhar, Working President – Thermonki Susngi, General secretary – Nashon Myrlia, Jt Secy- Shanbore Paslein, Finance Secy- Wal Dhar, Publicity Secy- Koning Dkhar, Organising Secy – Ka Phyrnai Ksoo, Education secy- Ka Balari Tang, Chief adviser – Kermi Dkhar, wa kiwi tawan ki kaam kamjooh ki Excutive Member. Ia ka yalang da pyllai da u Kermi Dkhar.
Discussion about this post