Ki khynnah puræ ka Q.C. Springside, Jowai ynne ka sngi nadooh ki Lower Primary hadooh ki Secondary Level da mih sarok ki wow pyndep ya ki ar tylli ki thong kat kam ka hukum wa da yoh ki na ka yung krehkaam u State Project Director SSA & Director of School Education & Literacy, Meghalaya Shillong.
Ya ini i lai uiñ sarok næ Rally da sdang na Mynthong deiwa lai lyngba ka Iawmusiang wa Chutwakhu wei heini i ya lai ki khynnah da e wyrta chula ki tymbud luti chaphang i sih yong i pynemkam yow biri, sikret, duma wa man chibynta ka World No Tobacco Day Rally wa kawi won ka wyrta chula wa e ki cha ki paidbah wa lai wa wan toh chaphang i chait i khiah yong i pyrkhat pyrdaiñ næ Mental Health Awareness Rally.
Hei pynkut ya kani ka ya lai uiñ sarok ki khynnah puræ ka Q.C. Springside da biah ki leh ha ki kynroh ya ki Poster næ ki dur wa em deilang ki kyntien wa thoh chaphang i sih yong u sikret, biri, duma wa man chibynta wow e wyrta chula cha ki paidbah wa lai wa wan.
Discussion about this post