Jowai: Ki 6 ngut ki dkhot ka Jaintia National Council (JNC) da pyntip ki wa haka 16 tarik uni u bnai da mih ki naka seiñ kamjooh da ieh ya ki kaam wa ksoh ki.
Kiwa da ieh kaam toh u Allmiky Ryngkhlem uwa man kam u Vice President (CB), u L.E. Syad uwa man kam u General Secretary (CB), u Seibor Sutnga uwa man kam u Asst. General Secretary (CB).
Da mih seiñ leh u Skhemmon Lapasam uwa man kam u President ka JNC-KC, u Emmanuel Bhoi General Secretary ka JNC-KC wa u Deibormi Lapasam Asst. General Secretary ka JNC-KC.
Haka chithi ieh noh kaam wa da soi lang waroh 6 ngut da ong wa i mih seiñ yong ki toh dei tip bru tip Blai wei ym em iyi iyi i sñiaw yaphær yumut wei da kitbok kit rwiang ki yaka seiñ wa kamjooh ya kiwa yahkhmat ka seiñ wow nang ku ki ha ki kaam chakri yong ki yaka ri wa yaka jaitbru.
Discussion about this post