U Rajen Gohain ynne ka sngi da e u ya ka chithi wow mih seiñ noh na ka Bharatiya Janata Party (BJP) ha Bajpayee Bhawan ha Guwahati.
U Rajen da man u kam u Member of Parliament cha Lok Sabha la soo sien.
Da man MP u na Nowgong Constituency nadooh u 1999 heiwa da chah jied biang u ha u 2004, 2009 wa 2014.
Da man u kam u dkhot ka Bharatiya Janata Party nadooh u 1991 wei ha ka 5 tarik u Naiynñiaw 2016, da man u kam u Minister of State yong ka Railway Ministry.
U Rajen da ong u wa i daw wa mih u na ka seiñ toh yei wym hun u yei synchaar ka sorkar BJP hapoh Assam wa ya kiwa yahkhmat deiwa ong wa hap wow pynskem ya ki yurim kiwa yahkhmat nachwa kam u Atal Bihari Vajpayee wa u L.K. Advani.
Da e kse u wow kyrchaan noh ya u heh ka Bodoland People’s Front (BPF) u Hagrama Mohilary.
Discussion about this post