Mih syndet kawi ka seiñ kawa pynchlur yaka sorkar pyrdi wow tih Uranium ha Meghalaya

Kawi ka chithi kawa da poor ha ki rynsan Socil Media ynne da pynkhyrngiat ko ya ki paidbah heiwa da em kawi ka seiñ wa tip kam ka North East Sunshine Trust (India) da thoh ko cha u Montri Khynnah ka sorkar pyrdi, u Dr. Jitendra Singh uwa pait yaka chnat Atomic Energy yow pynchlur yaka sorkar India yow tih Uranium biang hapoh Meghalaya wot hadien wa ka kani ka phang hapoh ka jylla da dait thah ko wei ka sorkar Meghalaya deilang waka Khasi Hills Autonomous District Council (KHADC) da dep khylliap noh ki ya ka lynnong ini i kaam tih Uranium wot hadooh ka sorkar pyrdi leh da suki ko ya ini i kaam.

Kani ka seiñ toh kawa tip kam ka North East Sunshine Trust (India) wei kawa da Register ha Shillong ha u snem 2022 wei kawa em yung krehkaam ha Kensington, Kynton-U-Mon, Lad Nongkrem, Shillong wei ya kani ka dorkat cha u Montri ka sorkar India da soi dei pyrtuid ka Elizabeth Mathew Nongbri kawa man kam ka Founder Trustee wa Chairperson wei ya kani ka dorkhat da phah haka 26-02-24.

Ha kani ka dorkhat, ka Elizabeth Nongbri da pyntipmit ko ya idæ kam ka kynthai Khasi wei kawa da ksoh boon ki kaam hapoha ka BJP Minority Morcha ka BJP wei da man ko leh kam ka National Executice Member wei u kurim ko toh u chipai.

Da ong ko leh wa da kreh ko neibynta kiwa boon ki kaam haka imlang sahlang hapoh Meghalaya wa Mizoram wei kattæ da ksoh ko yei kyrdan Prabhari ha Nagaland wa Tripura wei hei lai luti ko da yachem ko wa kiwa boon kiwa yahkhmat ki Balang Christan yow pynche yei sñiawthooh bakla yaka BJP.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Da pyntip ko wa ha Khonchonglad (Nov) 2023, ha ka Ex-Servicemen Conevention ha Kurushetra, da yachem ko wa u Col Pravat Kumar Panda (retd) uwa man u Independent Director ka Uranium Corporation of India Limited (UCIL) wei u da klam u hajrong i pynim biang yei tih Uranium ha Meghalaya.

Da ong ko wa u Uranium toh uwa em kyrhai hapoh West Khasi Hills, wei ka seiñ yong ka em ko ki bru wa tipmit ya kiwa boon ki bru ha kiwa boon ki chnong ki thaw wei ye wow pynhun ya kiwa chong chnong hadooh wow yut chnong ki cha wi deiwa e ya ki yei rukom im wa miat wa bha.

Kam wow pynkynmoo heini wa ka UCIL da dep ko leh wow khang yaka yung krehkaam yong ka wa em ha Shillong wei da pyndam leh ya waroh ki soskular ha u 2016 yow chim wai yei thaw yow leh ya ki kaam chwa wow tih ya u Uranium.