Ki khynroo khyllood wa lai puræ ka Kiang Nangbah Government College Jowai, ynne ka sngi da ya mih yonglang ki wow pynkhooid ya ki soodong sookun ka College wa kynthup ki kamra puræ, ki luti syngkeiñ, ka madan yalehke wa kiwi.
Yeini i pynkhooid yonglang da pynman daka Kiang Nangbah Govt. College Students’ Union, chirup i krehlang ka Jowai Municipal Board, ka Fire and Emergency Service deilang ka NSS, NCC yong ka Kiang Nangbah Govt. College wa kiwi.
U President ka Kiang Nangbah Govt. College Student Union, u Precious Star Sten pyntip u wa kani ka ya pynkhooid man ko kam chibynta ka sngikha u Mahatma Gandhi wa jooh pynman yei pynkhooid yonglang khlieh u snem haka 2 tarik u Naichiphaw.
Tangwa ha uni u snem kat da haap ko haka sngi Bibar wa sa iwi leh haka tayaw wow wan daw em ki kaam waphær waphær hapoh ka College neitæ i daw da pynman noh ki i pynkhooid ynne ka sngi.
