Shillong: Ka chnat pulit pynlai kari ha nongbah Shillong da sdang ki ya ka pynlai kari na Khyndailad wow mih cha Umsohsun nadooh ynnin ka ngi nyngkong, hadien wa da dep ko wow bichaar bniah ya i khynnia yong u sarok GS Road kawa lai cha ka thaaiñ Motphran, ini i sdang man ko kam i pyrchang wow pait hadooh katwon u yarap ya i khynnia kari ha nongbah Shillong khamtam ha ka thaaiñ Khyndailad.
Hawa yaklam wa u Superintendent of Police (Traffic), u Bikram D Marak da pyntip u wa ini i sdang yong ka chnat pulit da yarap sakhiat ya ki kari kiwa lai cha ka thaaiñ Umsohsun. Da ong u wa hanla kani ka thaw waroh chi kattu da kylla man yaw wa heh, tangwa katai ka surok toh ka yong ka chnat PWD, wei i wai ya utai u surok wow lai ki kari da yarap leh ya ki bru khamtam kiwa da noh rta wow psiah cha katai ka thaw.
Hawa kylli, u Marak da pyntip u wa kamwa man katni, ki paidbah ki yaroh ki ya kani ka rai ka chnat pulit pynlai kari neibynta i bha i biang yong baroh kiwa lai wa wan.
Discussion about this post