Jowai: Deiwa chah pynhiar cha ki 10 ngut hajan wa kut ka yalehke, ka Sutnga da ye ko wow ksoh yaka Rangdajied United da 0-0 haka yalehke ha Teilang Phawa Stadium, Khliehriat ynne ka sngi haka yalehke Semi Final (First Leg) hapyrdi kini ki arliang haka Meghalaya State League 2019.
Ka Sutnga waka Rangdajied da yalehki ki hakhmat 3,000 ngut kiwa wan paitke.
Ha waroh ki kylla, waroh arliang da yoh laad ki wow thap kool tangwa ym ye ki wow pynkylla ki cha ki kool wei ka Sutnga da yoh ko boon ki kabu da i kyrchaan leh ki paidbah. Ka Rangdajied ym ye ko wow lai palat ya kiwa yang dien ka Sutnga iwa man leh i sien wa nyngkong ha kani ka MSL 2019 wa ym yoh ki wow thap kool.
Ya i naam Man of the Match da yoh u Pynshongdor Shadap uwa yalehke ka Sutnga.
Ka Rangdajied kattu daw yoh laad ko wow lehbha haka Semi Final (Second Leg) ka wow pynman ha kani ka 17 tarik ha Mawkyrwat, katwa ka Sutnga kawa thap kool duna dooh na ki soo liang wa poi Semi Final daw yaleh ki wow pynkhyrngiat ya kiwa boon.
Discussion about this post