U Donlad Diengdoh da yoh u wow thap sa ka Hat-Trick wa ar yong oo ha ka Meghalaya State League 2023 yow pynjop ya ka Mawlai da 7-0 ya ka Umrit ha ka Group A wa da pynman ha madan ka MFA ha Shillong ynne ka sngi.
Ha Jowai won ka Mulait United da jop ko ya ka Sein Pynbhalang da 5-1 ha ka Group B, ha ka Group C won, ka Shillong Lajong da jop ko ya ka Pyndengrei da 3-0. Ka Selsella Sports Association hadien wa da thap chwa ar kool da kut won ka yalehke da 2-2 pyrchah ya ka Chipakkore Group D.
Ka Mawlai kattu da jop ko ya waroh 4 tylli ki yalehke wei da em ko 12 Point yow yoh nyngkong ha ka Group A. U Donlad Diengdoh da thap kool u ha ka 3′, 9′, 29’P wa 45’+1, u Kenstar Kharshong (11′), u Robert Khongriah (21′) yow pynkut ya ka kylla step da 6-0.
Ha ka kylla miet won da thap kool da u Donborlang Nongkynrih (57′) yow pynkut ya ka yalehke da 7-0.
Ya ka Lajong da thap kool da u Shano Tariang (12′, 57′) wa u Sambor Kharsahnoh (89′) iwa mut wa ka Lajong da em ko 6 Point na ar tylli ki yalehke katwa ka Seven United won 8 Point tangwa ka Lajong daw yaleh ko sa ar tylli ki yalehke.
Ya ka Mulait da thap kool da u Leiborki Ymbon ha ka minit wa 41 wa u Lency Swer ha ka minit wa 43 wa 66, u Romarius Laban ha ka minit wa 76 wa u Rimonki Lamurong ha ka minit wa 90+5.
Ka Sein Pynbhalang da yoh ko wow su chi kool ha ka minit wa 87 lyngba u Tympang Tangliang.
Ki yalehke ha ka 29 tarik:
Group A, Shillong – Langsning Vs Seng Samla Laitryngew, 3:00 PM
Group B, Jowai – Ladthalaboh Vs Niaw Wasa United, 2:30 PM
Group C, Mawkyrwat – Lumdiengngan vs Riangdo, 3:00 PM
Group D, Tura – Khliehmawlieh vs Wa’sa FC, 3:00 PM
