Ka Rangdajied United da kaap chooh chooh ko chajan ka Semifinal ka Meghalaya State League 2023 deiwa jop da 3-0 ya ka Rymbai Iawpynsin ynne ha ka Group B wa da pynman ha Kiang Nangbah Stadium, Jowai.
U Oresterwell Langshiang da thap u ya kawa ye u man kawa smat dooh ka kool ha ka yalehke ka SML katwa sa ki ar kool da thap ha ka kylla miet yow pynyoh nyngkong biang ya ka Rangdajied hanla da em ko i jooh i Point waka Ladthadlaboh iwa mar 10 Point, tangwa da tam ka Rangdajied deiwa kheiñ ya ki kool wa yoh u thap (Goal Difference) iwa man +11 la +9. Ya ki kool ha ka kylla miet da thap da u Aibiangmame Nongneng (70′) wa u Wansiewdor Nengnong (81′).
Ya ka kool wa nyngkong da thap du hapoh 15 Second heiwa mar ya sdang da kynjet ya ka bool da ka Rangdajied cha u Tremiki Lamurong uwa da em neiliang timun uwa da phah won ka cha u Nengnong, uwa da phah won ka cha u Langshiang uwa da thap ya ka kool.
Ka Rymbai ym em yoh ko tang chi kynjet leh ka bol chwa u chah thap ko tangwa da lehbha ki hadien yow khanglaad ya ka Rangdajied wow thap biang ko hapoh ka kylla step hanla ka bol da neh bait cha chiteiñ madan ka Rymbai.
Ynne da pynman du kani donhi ka yalehke.
Ki yalehke mynstep:
Group A, Shillong – Jyntru Vs Umkseh, 3:00 PM
Group B, Jowai – Youth Club Pdengkarong Vs Ladthadlaboh, 2:30 PM
Group C, Mawkyrwat – Mawten Vs Seven United, 3 PM
Group D, Tura – Warima Youth Club Vs Atong Matgrik, 3 PM
