Ka Shillong Lajong da yoh ko wow psiah Semifinal ha ka Meghalaya State League 2023 deiwa kut ka yalehke khlem wa thap kool pyrchah ya ka Seven United ha ka Group C ha Mawkyrwat ynne.
Ka Lajong da yoh ko 10 Point na ki 4 tylli ki yalehke wei daw yaleh ko sa chisien katwa ka Seven United da yoh ko 9 Point na waroh 5 tylli ki yalehke.
Ka Rangdajied United won da jop ko ya ka Youth Club Pdengkarong da 3-2 ha Group B, ka Langsning da jop ko ya ka Jyntru da 4-0 ha ka Group A.
Ka Rangdajied toh kawa da yoh u psiah Semifinal wei da e laad ko wow yalehke da ki wym pu em u yohlaad bha wei mar ya sdang da yoh ko wow thap lyngba u Balamlynti Khongjee (3′) kawa da neh 10 minit heiwa ka Pdengkarong lyngba u Kindness Mukhim (14′) da yoh u wow su kylliang.
Ha ka kylla miet ka Rangdajied da thap ko arsien lyngba u Oresterwell Langshiang (65′) wa sa chisien lyngba u Khongjee (83′) heiwa ya ka Pdengkarong da thap da u Marshial Nongrum.
Ha Shillong, u Kampher Pale (3′) wa u Wilbert Marbaniang (18′) da thap nyngkong ki ya ka Langsning ha kylla step. Ha kylla miet won u Marbaniang da thap biang u lyngba ka Penalty ha ka minit wa 73 wei da pynkut da u Roikhihbha Nongtdu (78′), kani da man ko leh ka sien nyngkong ha kani ka kynti wym em yoh ka Jyntru wow thap kool.
Ini ym em ktah ko ya ka Mawlai kawa da yoh chwa u psiah Semifinal.
Ki yalehke ha ka 5 tarik:
Group A, Shillong- Da kut ki yalehke Group Stage
Group B, Jowai- Da kut ki yalehke Group Stage concluded
Group C, Mawkyrwat- Mawten Vs Lumdiengngan, 3:00 PM
Group D, Tura- Chipakkore Vs Wa’sa FC, 3:00 PM
