Ka Mawlai, ka Sutnga, ka Rangdajied, ka Seven United wa ka Chipakkore waroh da yoh ki yei jop ynne ha ka Meghalaya State League 2024 wa pynman da ka Meghalaya Football Association deiwa kyrchaan ka Department of Sports and Youth Affairs.
Ini da man i jop wa ar ya ka Mawlai wa Sutnga katwa ka Rangdajied wa Chipakkore da yoh ki 4 Point kattu hadien wa ya Drawn ha ka yalehke wa nyngkong ki.
Ka Seven United ha ka Group C da jop ko ya ka Mawlum Tyrsad da 1-0 lyngba ka kool wa thap u Kenny Syiemiong (17′). Da ini, ka Mawlum Tyrsad da rem ko la ar sien iwa mut da rap eh u yoh ko u psiah Quarter Final kattu katwa ka Seven United da jop ko ha kani ka yalehke wa sdang ki.
Ka Mawlai da jop ko ya ka Pynursla da 11-0 heiwa u Khrawkupar Jana da yoh u wow thap 6 tylli ki kool (27’P, 32′, 44′, 64, 69′, 79′) wei waroh kattu da yoh u 10 tylli ki kool. Kiwi de kiwa yoh u thap toh u Reformer Pale (9′), u Arkibor Makhroh (11′, 70′), u Wanboklang Lyngkhoi (25′) wa u Samlang Rympei (52′).
Ha Mawkyrwat, ka Sutnga da jop ko ya ka Mawten da 4-0 da ki kool wa thap u Raplangki Lyngdoh (5′, 45’+2), u Deligent Pdang (7′) wa u Skhemborlang Rupai (41′).
Ha Khliehriat, ka Rangdajied da jop ko da 2-0 ya ka Mulait United da ki kool wa thap u Pasborlang Khonglikong (29′) wa u Owanijuh Pajuh (90’+4).
Ki Result ynne ka sngi:
Group A (Tura): Chipakkore 2 – 0 Lumsohkhlur
Group B (Mawkyrwat): Mawten 0 – 4 Sutnga
Group C (Tyrsad): Mawlum Tyrsad 0 – 1 Seven United
Group D (Khliehriat): Rangdajied United 2 – 0 Mulait United
Group E (Wahiajer): Ym em pynman yalehke
Group F (Shillong): Mawlai 11 – 0 Pynursla
Ki yalehke mynstep (Kick-off 2:00 PM):
Group A (Tura): Atong Matgrik vs Pinggera Do·gisik
Group B (Mawkyrwat): Riango Youth vs Khliehmawlieh
Group C (Tyrsad): Ladthadlaboh vs Nangkiew Shaphrang Lumdiengngan
Group D (Khliehriat): Iatyllilang Lumsehkot Raliang vs Rymbai Skhenshynriah
Group E (Wahiajer): Mawtari Myrdon vs Shillong Lajong
Group F (Shillong): Seng Samla Mawmluh vs Patharkhmah
Discussion about this post