MSL 2024: Pteiñ ka Ladthadlaboh wa Lajong yei jop

Ki yalehke ka Meghalaya State League 2024 kiwa da pynman 6 tylli ynnin da jop da ka Pingere Do’gisik, ka Khliehmawlieh, Ladthadlaboh, Rymbai Shkenshynriah, Lajong wa Seng Samla Mawmluh SC.  

Ha ka Group A wa da pynman ha Tura, ka Pingera Do’gisik da jop  ko ya ka Attong Matgrik da 2-0 kiwa thap da u Jerime B Marak ha ka minit wa 40 wa u Trainingbath M Sangma ha ka minit wa 90+1.

Ha ka Group B wa pynman ha Mawkyrwat, ka Khliehmawlieh da jop ko ya ka Riangdo Youth da 3-2. Ya ka Riangdo da thap da u Philip Nongsiej ha ka minit wa 29 wa u Batskhemlang Thongnirit ha ka minit wa 63. Katwa ya ka Khliehmawlieh da thap da u Samuel Shadap ha ka minit wa 66 wa 85 wa u Kyntiewbor Myrthong ha ka minit wa 90+2.

Ha ka Group C wa da pynman ha Tyrsad, ka Ladthadlaboh da jop ko ya ka Nangkiew Shaphrang Lumdiengngan da 2-0 kiwa thap da u Banteilang Shylla ha ka minit wa 25 wa u Samuel Phawa ha ka minit wa 41.

Related posts

Meghalaya State League 2024: Psiah Quarter sa ka Mawlai wa Ladthadlaboh

November 4, 2024

Psiah Semi ka Kur Suchen Bataw ha ka Prize Money Knockout Football Tournament 2024

November 4, 2024

Ha ka Group D wa pynman ha Khliehriat, ka Rymbai Shkenshynriah da jop ko ya ka Iatyllilang Lumsehkot Raliang da 5-0 kiwa thap da u Hesmiki Rymbai ha ka minit wa 4 wa 60, u Iaishah Bareh ha ka minit wa 60 wa u MD. Aruwas Khan ha ka minit wa 75 wa 82.

Ha ka Group E wa da pynman ha Wahiajer, ka Shillong Lajong da jop ko ya ka Mawtari Myrdon da 4-0 da ki kool wa thap da u Yohaan Benjamin ha ka minit wa 17, u Deibormame Tongper ha ka minit wa 19 wa 66 wa u Rimankhraw Kharumnuid ha ka minit wa 29.

Ha ka Group F wa da pynman ha Shillong, ka Seng Samla Mawmluh SC da jop ko ya ka Patharkhmah da 5-3.

Ya ka Mawmluh da thap da u Ksankupar Khongngain ha ka minit wa 19 wa 45+1, u Damutskhemlang Thabah ha ka minit wa 20 wa u Balajiedlang Lyngwa ha ka minit wa 46 wa 70. Katwa ya ka Patharkhmah da thap da u Bapyndap Dkhar ha ka minit wa 13, u Damanbha Wahlang ha ka minit wa 47 wa u Newbirthson Sankli ha ka minit wa 50.

Ki yalehke mynstep ki wow sdang heipor 2:00 waje:

Group A (Tura): Lumsohkhlur Vs Atong Matgrik

Group B (Mawkyrwat): Khliehmawlieh Vs Sutnga

Group C (Tyrsad): Ladthadlaboh Vs Seven United

Group D (Khliehriat): Rangdajied United Vs Iatyllilang Lumsehkot Raliang

Group E (Wahiajer): 7 Wasa United Vs Seinbhalang Shkentalang

Group F (Shillong):  Patharkhmah Vs Mawlai