Ka Rangdajied United FC kawa man kam ka Defending Champion ka Meghalaya State League, ynne da yoh ko yei khyrngiat dei wym ye u pynrem ya ka Rymbai Skhenshynriah heiwa da kut ka yalehke da 0-0 hapoh ka Group D ka Meghalaya State League 2024 kawa da pynman ha Khliehriat wei ynne da pynman waroh 5 tylli ki yalehke ha kylleiñ ka jylla.
Ha Mawkyrwat, ka Khliehmawlieh Youth Club kawa rem Final ynnin u snem da rem ko da 2-1 haka Mawten SC hapoh ka Group B katwa ka Mawlai won da jop ko da 16-0 ya ka Seng Samla Mawmluh hapoh ka Group F kawa da pynman ha Shillong.
Ya ka Mawten da thap da u Oversharp Iawphniaw haka minit wa 54 wa 87 katwa ya ka Khliehmawlieh won da thap ko ha ka minit wa 52 lyngba u Livingstone Nongrang.
Ya ka Mawlai da yoh mar soo kool da u Khrawkupar Jana (18′, 26′, 28′, 63′) wa u Donlad Diengdoh (20′, 39′, 70′, 90′), neitæ u Fairming Suting (73′, 85′), u Batskhemlang Mawlong (22′), u Robertson Khongriah (56′), u Overkindness L Mawnai (58′), u Banraplang Pyngrope (78′), u Romarius Laban (83′) wa u Brolington Warlarpih (86′).
Ha Tura ka yalehke da kut ko da 0-0 hapyrdi ka Chipakkore waka Atong Matgrik hapoh ka Group A katwa ha Wahiajer, ka Mawtari Myrdon da jop ko ya ka Seinbhalang Shkentalang da 3-1 hapoh ka Group E. Ya ka Mawtari da thap u James Warlarpih (18′) wa u Baris Taro (39′, 67′) katwa ya ka Shkentalang da thap da u Tip Rasmut (45’+1).
Ka Result ynne ka sngi:
Group A (Tura): Chipakkore 0 – 0 Atong Matgrik
Group B (Mawkyrwat): Mawten 2 – 1 Khliehmawlieh
Group C (Tyrsad): Ym em pynman
Group D (Khliehriat): Rymbai Skhenshynriah 0 – 0 Rangdajied United
Group E (Wahiajer): Seinbhalang Shkentalang 1 – 3 Mawtari Myrdon
Group F (Shillong): Mawlai 16 – 0 Seng Samla Mawmluh
Ki yalehke ha ka 30 tarik ki wow sdang heipor 2:00 waje:
Group A (Tura): Pinggera Do’gisik vs Lumsohkhlur
Group B (Mawkyrwat): Sutnga vs Riangdo Youth
Group C (Tyrsad): Mawlum Tyrsad vs Ladthadlaboh
Group D (Khliehriat): Mulait United vs Iatyllilang Lumsehkot Raliang
Group E (Wahiajer): Shillong Lajong vs Seinbhalang Shktentalang
Group F (Shillong): Pynursla United vs Patharkhmah
Discussion about this post