Jowai: U Roikhihbha Nongtdu wa u Kenstar Kharshong da yoh Hat-trick ki haka Group A ka Meghalaya State League 2019 wa pynman ha Jowai ynne ka sngi heiwa ka Lawbah waka Shillong Lajong da jop ki yaki yalehke yong ki.
Haka yalehke nyngkong, ka Lawbah da jop ko yaka Umrit da 6-2 heiwa ya ki 5 kool da thap da u Roikihbha Nongtdu (15′, 21′, 25′, 30, 85′). U Pyntiplang Wankhar da thap u yaka kool nyngkong haka minit wa 12 katwa u Khmihlang Thangkhiew da thap u ar kool yaka Umrit (19′, 90’+2). U Nongtdu kattu da thap u 11 kool wei da man u leh u Top Scorer ka MSL uni u snem hadooh ynne.
Ka Lawbah kattu da em ko 9 Point na ki 4 tylli ki yalehke wei yei ko u psiah Semi Final lada ye ki u jop yaka Lumniwar haka 7 tarik wei lada jop ka Umrit yaka Lajong.
Haka yalehke ka Lajong won, da thap kool ko haka minit wa 11 lyngba ka Penalty da u Kenstar Kharshong dep neitæ da thap u sa ar kool haka kylla miet (53′, 71′) wa u Freestar Kharbangar (70′) yow jop da 4-0 yaka Royal FC.
Ki yalehke mynstep:
Group B (Khliehriat) – Jalaphet Bri-Sumer vs Sutnga (10:30am); Iatyllilang Lumsehkot vs Umladkhur (1:30pm)
Group C (Mawkyrwat) – Madan Bynther vs Khliehmawlieh Youth Club (10:30am); Rangdajied United vs Nondaju Seng Samla (1:30pm)
Group D (Resubelpara) – Niaw Wasa vs Garo Warriors (10:30am); Druma Sandruma vs Resu Conventus (1:30pm)
Shillong Lajong 
Man of the Match- Kenstar Kharshong (Shillong Lajong) 
Lawbah Sports Club 
Man of the Match-Roikhihbha Nongtdu (Lawbah SC) 
Points Table as of 5th December
Discussion about this post