Ka mukotduma PIL wa da yaleh da u (L) Kynjaimon Amse pyrchah ya ka National Highways Authority of India (NHAI) heiyatoh i pynchna ya u sarok NH-6, da chnong bichaar biang ka ynne ka sngi da u Chief Justice, u I.P. Mukerji wa u Justice W. Diengdoh.
Ini wa chong bichaar toh i bynta nadooh na Jowai hadooh Ratacherra iwa jrong kamwa 102.255 Km heiwa yei kreh pynchkeh, pynskem wei pynbha pynmiat da sdang nadooh ka 22-03-24 deiwa e ar tylli ki Contract kawi cha ka Purvanchal Buildtech Pvt. Ltd. neibynta ka 51 Km iwa cheiliang Jowai wa 21.255 Km won da e cha ka Dhar Construction Company kawa chna neibynta iwa poi chadooh cha Ratacherra.
Ha iwa khaddooh wa chong bichaar yeini i kaam, da pyntip wa yei bynta wa 51 Km dadep i kreh 67% katwa i bynta wa ar won iwa 51.255 Km dadep 74% i kreh wei da yooluti ka yung bichaar wa ynne daw e ka Report wa dadep yei kreh.
Tangwa u muktiar ka NHAI kattæ da e Report u wa i bynta wa 51 Km da ye wow pyndep kreh 75% Km katwa i bynta wa 51.255 Km i kreh da dep 80% wei i daw wa slem i kreh toh neidaw wa slap, kamtæ ym ye wow pyndep yei kreh heipor wa da kular wei da paan por biang wow pyndep yei kreh wei wow phah ya ka Report.
Neiliang ka High Court deiwa pyrkhat yeiwa man i long ka suiñ bneiñ kattæ, da e por ko ya ka NHAI sa ar bnai hadooh ka 18-08-25 yow phah ya ka Report wa da pyndep yei kreh.
Da phah leh ya u Amicus Curiae wow pait bniah u yeini wei wow e ya ka Report lada chem wym em biang i kreh.
Discussion about this post