Ki pulit ka Rajasthan da yoh ki wow lai pynlait ya uwi u bru wa da thmu wow pasi ya idæ uwa da pynyoo pyrthai yeini deiwa leh ya ka Facebook Live.
Uni u bru uwa da sñiawsih neidaw ka kynthai, da lai sah u hapoh kawi ka Hotel wei da dih kiad u hadooh wa muaid bha, wei da sdang u da ka Facebook Live yow khana ya ki lok ki jor wow pynkut noh u yei mynsien yong oo.
Da pynyieñ u da ka chuki hajrong palong wei da kdoh tylle u ha ka Fan yow leh yeini i kaam.
Ya ini waroh da yoo da uwa tipmit oo uwa da pyntip cha u pulit wa tipmit u, uwa tip kam u Dinesh Sharma uwa man kam u Head Constable ha Jaipur heiwa da e u leh yei Phone Number yong uni u bru wa da mut wow pasi.
Ki pulit deiwa leh ya ka Mobile Tracking da chem ki wa uni u bru sah u hapoh kawi ka Hotel wa em ha Jaipur wei da lai ki wut-wut wei da hap ki wow tympra ya ka dwar ka kamra yow kem ya uni u bru deiwa yah oo cha Sawai Man Singh Hospital, Jaipur yow yoh yei sumaar.
Uni u bru wa mut wow pasi da tip kam u Pawan uwa chong chnong ka Bagru, Jaipur.
Discussion about this post