Ka bor wa pait ya i pynemkaam ya ki jait dawai hapoh ka ri ka Central Drugs Standard Control Organization (CDSCO), ynne ka sngi da mynjur ko yei dawai yada na u khñiang COVID-19 wa chna da ka AstraZeneca waka Oxford University yow pynemkaam ha ki por wa jhan namo i Emergency Use.
Ini da wailaad ko wow pynemkaam ya ini i dawai hapoh ka ri India kawa man leh ka ri kawa em hei wa ar wa chah ktah dooh na ki ri na kani ka khlam.
Ya ini i dawai da chna ya ki hapoh India daka Serum Institute of India (SII), wei da antaad wa ini i dawai iwa da e pyrtuid Covishield, yaka sorkar daw chongdor i hapoh T. 500 chisien Inject katwa ha ki yaw ki haat ye i wow chongdor T. 700-800, da pyntip da u Serum Institute of India CEO u Adar Poonawalla ynne ka sngi.
Kam wow pynkynmoo wa i pyndur wow e dawai yada daw leh mynstep ka sngi ha waroh ki jylla ka ri heiwa ha Meghalaya daw leh ya ini ha East Khasi Hills wa ha West Garo Hills.
