Ka Central Election Committee ka All India Congress Committee da pynbna ko ya ki kyrtong kiwa da mynjur ko wow e reiñ ha kani ka Election MLA 2023 ha Meghalaya kiwa em 55 ngut na ki 60 tylli ki Constituency.
Na Ri-loom Jaiñtia najrong i pyrtuid u Richard Singh Lyngdoh iwa da pynbna ha kani ka tayaw na Raliang Constituency da pynbna sa i pyrtuid u Daniel Dan kam u kyrtong ka Congress na Jowai Constituency iwa mut wa ym em kyrtong na Amlarem wa na Khliehriat Constituency.
Na Nartiang dang man hi da u Emlang Laloo, na Mowkaiaw u Nehemayah Tyngkan wa na Sutnga Siapung u Vincent H. Pala.
Waroh ki kyrtong da em ki 6 ngut ki MDC, 10 ngut ki kynthai wa 33 ngut kiwa dang khynroo. Ini wa dep ka Congress da ye ko wow khwe leh ya u MLA wa katni yong ka NCP, u Saleng Sangma.
Waroh ki kyrtong man ki kamni ha wah:
