Ka Indian Institute of Technology (IIT) Guwahati da mynjur ko wow takit kam ka Third Party Audit yeiwa oor ka khlieh tnoom ka Yung Dorbar Chna Aiñ ka Meghalaya ha Mawdiangdiang, da pyntip u Montri Rangbah ka jylla, u Conrad Sangma.
Da yooluti u wa ha kini ki chi sngi ar sngi daw wan ki bru ka IIT Guwahati yow sylli kamjooh wow puræ bniah deiwa laitlooid yow chem yei daw wa jia ini.
U Conrad da ong u wa ini toh i sien wa nyngkong wa pyrchang wow chna ya kam kani ka jait yung hapoh ka thaaiñ mihsngi wei ym em man ko kawa suk wei chajan du ka Victoria Memorial Building wa em kam kani ka jait tnoom.
Du ka tnoom toh kawa khia 4,500 MT kamtæ emkaam bha yei stat kammon wow pynyieñ pynchong ya ka nadooh ki Engineer hadooh ki Contractor.
Heiyatoh wa i e Sub-Contract, u Conrad da ong u wa chah hi wow leh yeini wei hajrong wa em ka thakit wa dang sahteiñ wa leh daka CBI pyrchah ya ka UPRNN Ltd, ka Design Associates, Noida neiliang u Conrad da ong u wa ya ka Design Associates toh kawa da jied chwa da ka sorkar warim.
Da ong u leh yeini toh u kylli na u Dr. Mukul Sangma kammon da jied ya ka Design Associate wot hawa tip da em i chah takit ko.
