U President ka USA, u Donald Trump ynne ha ki rynsan Social Media da pynbna u wa ka India wa ka Pakistan da mynjur ki wow dam u yasiat noh chisiendon namo ka “Full and Immediate Ceasefire” hadien wa tuklar ka US.
Da da ong u wa kini ki ar ri kiwa da yasiat kylla la le sngi, daw sdang yaklam ki ha i thaw wa em cha baar.
“Hadien wa yaklam waroh chi miet deiwa tuklar ka United States, nga da sñiawkmen O wow pynbna wa ka India wa ka Pakistan da ya mynjur ki ya ka Full and Immediate Ceasefire,” da e khublei u leh ya kini ki ar ri wa da bien ki wow pynemkaam yei stat pyrkhat.
U Foreign Secretary ka India, u Vikram Misri da pyntip u leh ynne wa u Director General of Military Operations ka Pakistan da yaklam u wa u Director General of Military Operations ka India heipor 03:35 i sngi.
Ha i yaklam da rai wow sangeh i yasiat na waroh ar liang nadooh myntu 5:00 waje i janmiet (Indian Standard Time).
Da phah ya waroh ki chipai wow bood yeini.
Ki Director Generals of Military Operations daw yaklam biang ki ha ka 12 tarik uni u bnai heipor 12:00 waje i sngi.
U Pakistani Foreign Minister, u Ishaq Dar leh da ong wa ka sorkar da kwah ko du wow yoh yei suk wei chngaaiñ kani ka thaaiñ khlem da ktah yei mantre.
Discussion about this post