Mynjur ka JHADC ya ka mang poisa wa T.19.99 Klur yeiwa ye u pynmih

Jowai: Ka Jaiñtia Hills Autonomous District Council ynne ka sngi ka da mynjur ko yaka mang poisa kawa T.19.99 Klur yeiwa ye u pynmih neibynta u snem 2019-20 kawa da wanrah da u CEM u Thombor Shiwat haka sngi nyngkong ka dorbar chna aiñ ka Council.

Hanlada ha uni u snem da poi T.19.99 Klur ha u snem wa da dep 2018-2019 ka mang poisa da poi ko hadooh T.21.68 Klur palat ya kawa ye ka Council u pynmih.

Ha uni u snem ka Council da mang ko wow pynmih T. 148,67,41,200 katwa i pynlut won da mang T.168,67,37,500.

Chwa wow sdang ya ka phyllu yumut ynne ka sngi, uwa yah khmat ka liang pyrchah u Awhai Andrew Shullai da paan pynche ya ki phang pyrchang ka EC wow paan bhah naka sorkar jylla wow yoh noh mar chiteiñ næ 50:50 naki mar pohkhyndaw wa kynthup ya ki Major wa Minor Minerals, heiwa u CEM da ong u wa katkam i lai luti da yoo wa em ki dak kyrmen wow yoh ya ini.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

U Andrew da kyntu u ya ka EC wow chimkhia bha hajrong ini neidaw wa da em hi ka aiñ nadooh nachwa wow yoh bhah mar chiteiñ, tangwa da i lehbor ka sorkar jylla kawa ong wa toh ka wow khrong dan, kamtæ da pynkhian noh yaka bhah ka Council.

“Kani man ko ka phang wa emkaam bha wei man ko u thied snam wa emkaam ka Council haka yarong poisa neibhah ka hok ka Council boon da lai noh ki cha kiwi “. Ong u Andrew.

Hawa kyruiñ won heiyatoh wa ki kattu katni ki aiñ, da ong u wa chem wa em chiboon ki kyndon ki aiñ wa da wanrah wow pynbha pynmiat yaka Council, tangwa dang em leh ki bill wa dang sahteiñ kiwa kham hakhmat kam ka Revision of Jaiñtia Hills Autonomous District Service Rules, ka Forest Policy, kamjooh ka aiñ waheh chnong kawa emkaam wow pynbha wow pyndep smat yaki kyndon khnang yow lait na ki kynrum kynram ha i pynlai chnong.

Chooh chooh da ong u wa ka Central Assistance Scheme kawa man kawi kawa da lai chakhmat haki snem wa da dep tangwa neidaw wa slem u phah ya ki Utilisation Certificate (UC), boon ka poisa wa dang toh u yoh da dooh noh ka. Kamtæ kyntu u yaka EC wow pynsmat u phah ya ki UC khnang wow nang ye u wanrah ya ka roi ka paar cha u paidbah.

Ha kani ka jooh ka sngi ka yung dorbar da mynjur ko leh yaka Report wa da wanrah da u CEM heiyatoh wa i thung ya ki MDC ha ki kaam Chairman kamjooh Deputy Chairman wa ha kiwi kiwi ki chnat krehkaam waphær waphær.