• About Us
  • Contact Us
  • Privacy Policy
  • Advertise With Us
  • Terms & Conditions
Wednesday, May 14, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Politics

Mynjur ka Meghalaya yaka 126th Amendment Bill-2019

Wyrta Staff by Wyrta Staff
January 20, 2020
Reading Time: 5 mins read
A A
0
Share on FacebookShare on Twitter

Ka Meghalaya Assembly ynne ka sngi da mynjur lang ko wow pynkrehkaam yaka 126th Amendment Bill-2019 ka Constitution kawa tyrwa wow pynyinsur ya i bhah (Quota) ki SC/ST ha Lok Sabha wa ki State Assembly sa chi 10 snem hadooh 25-01-30.

Ha Meghalaya, na ki 60 tylli Assembly Seat 55 wa 2 tylli ha Lok Sabha toh kiwa da booh kyrpang ya ki ST ka jylla.

Ya kani ka Constitution (126th) Amendment Bill da dep wow mynjur daka Lok Sabha waka Rajya Sabha haka 10 wa 12 tarik u Kmaichonglad ( Dec) 2019.

Hawa chimbynta ha kani ka dorbar kyrpang, uwa yahkhmat ka liang pyrchah u Dr. Mukul Sangma da pynsñiaw u yei sñiawkhia wa da pynyinsur du 10 snem donhi deiwa ong leh wa emkaam wow man kiwa yatylli heiwa da kani ka Amendment Bill, da pyndooh yaka Reservation ya ki Anglo-Indian hapoh Parliament wa ha ki jylla.

Related posts

Voice of the People Party (VPP)

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

U MLA ka Congress na Mawsynram, u Himalaya Shangpliang da ong u wa 10 snem toh iwa tbian bha wow yooluti ya ki jaitbru ri-loom ka jylla u poi ki chadooh ka kyrdan wa da yooluti daka sorkar. Da ong u leh wa dang man ki kiwa sahdien ha kiwa boon ki liang kam ha i chait i khiah, i puræ puthi, i yoh kreh wa i biang ki thaw sah thaw dem.

U MLA ka Congress na Umroi u George B Lyngdoh da ong u wa toh i kamram yong uwi pa uwi u MLA wa MP wow pyntikna wa yoh sakhiat yaka Reservation deiwa ong wa ki jaitbru ri-loom duna yoh kreh ki waka sorkar pyrdi hanlada da booh 44% ya ki ST.

U MLA ka Khun Hynniewtrep National Awakening Movement (KHNAM) na North Shillong u Adelbert Nongrum da ong u wa i rai ka sorkar India wow e man tre ri ya ki khian paaid kiwa chah lehbeiñ na ki ri wa jan khamtam na Bangladesh, daw pynkylla ko ya iwa boon iwa daw ktah yaka synchaar khadar ki jaitbru ri-loom ha waroh ki jylla wa man ki kam ki heh paaid katni.

U Chief Minister u Conrad Sangma hawa e u yei jubab da ong u wa man ka 10 snem emkaam wow pynkylla (Amendment) yaka Article 334.

Katkam wa ong u Conrad, hapoh Article 334, ya kani ka Reservation da booh nyngkong wow pyndooh yaka ha u 1960 tangwa man ka 10 snem da pynyinsur yaka wei ini ym toh iwa da pynman syndet yaka.

Heiyatoh wa ki Anglo-Indians da ong u wa da hiar i boon ki cha 295 ngut donghi wei u e Reservation ya ki ar tylli ha Lok Sabha wei wow mihkhmat ha ki 14 tylli ki jylla da boon palat ko.

Da ong chooh chooh u wa em 10.43 Klur ki Tribal iwa man 8.6% i boon bru ka ri wei ki Scheduled Castes won da em ki 16.6% na i boon bru.

ShareTweetSendShare
Previous Post

Yachem ka seiñ SBYWA ya u SP wa ya DC ka EJHD wow pynjoor i sonteri na ki Bangladesh

Next Post

Nadooh myntu ka miet daw pyndooh bordiñ noh 2 kynta chi sngi: Conrad

Next Post

Nadooh myntu ka miet daw pyndooh bordiñ noh 2 kynta chi sngi: Conrad

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar