Shillong: Ka yalang kawa khaddooh ka Committee on Amendment of the Sixth Scheduled (CASS) ka riti synchaar ka ri kawa da chong ynne ka sngi da mynjur ko yei yumut wo pynku ya ki MDC ha KHADC du 31 ngut ym kamwa da tyrwa 40 ngut.
Ya ini i e yumut da tyrwa da ka Khasi Hills Autonomous District Council (KHADC) ha kani ka Committee kawa da chong phyllu ynne ka sngi.
Ka Committee da mynjur ko leh wow phah cha ka Parliamentary Standing Committee (PSC) ka Rajya Sabha wow pyndam noh yei kyntien wow e bhah ya kiwi ki jaitbru ri-loom namo ki “Unrepresented Tribes wei wow thap da i kyntien Dorbar Chnong heithaw ka Village Council næ Municipal Council ha ri-loom Khasi wa Jaiñtia.
Hawa pyntip ya ini hadien ka yalang, u montri wa pait ya ka chnat District Council Affairs (DCA) u James K Sangma da ong u wa ka yalang da phyllu ko hajrong kiwa boon ki phang wei da mynjur leh wow pynpsiah ha ka thup ya kini waroh wow phah cha ka Parliamentary Standing Committee (PSC) ka Rajya Sabha.
Da ong u wa ya ka ktien Village Council da dawa wow booh noh da ka ktien Dorbar Chnong neibynta ka ri-loom Khasi wa Jaiñtia katwa ya ka Garo won daw pynneh neibhah ha Garo Hills da em ka aiñ Village Council Act 1958.
Katkam wa ong u James, ya kini ki yumut daw pynjanai ya ki wei neitæ won daw ekti won cha ka Parliamentary Standing Committee (PSC) ka Rajya Sabha.
Ha iwi i liang, u heh ka Meghalaya Indigenous Tribes Constitutional Rights Movement (MITCRM), u Samuel B Jyrwa da kubur u wa ya ka KHADC wa GHADC da mynjur wow pyndam noh yei kyntien wow e bhah ya kiwi ki jaitbru ri-loom.
Da ong u wa ha i thaw ka Village Council næ Municipal Council toh u booh dei ktien Dorbar Chnong, Dorbar Raij, Dorbar Hima.
Discussion about this post