Jowai: Ka Cabinet Committee on Economic Affairs, kawa khlieh da u Prime Minister u Narendra Modi da mynjur ki wow pynlait ya kiwa emkaam wow chna ya ka Dibang Multipurpose Project (MPP) ha Arunachal Pradesh.
I dor wow chna ya kani ka Dam da poi ko hadooh T. 28080.35 Klur wei da antaad u chimpor 9 snem wow pyndep chna ya ka.
Kani ka Dam daw ye ko u pynmih bordiñ hadooh 2880MW (12x240MW) wei u man ko kawa heh dooh ka Hydro Electric Project wow chna hapoh ka ri India wei kamjooh kani ka Dam u jrong ko 278 Metre kawa man leh kawa jrong dooh hapoh ka ri manda pyndep yaka.
Ya kani ka Dam u chna ha ka wah Dibang ha i bynta Lower Dibang Valley District ka Arunachal Pradesh.
Manda dep chan ya kani ka Dam, ka sorkar Arunachal Pradesh daw yoh mynkna ko 12% i bordiñ wa mynkna kawa poi 1346.76 MU.
Discussion about this post