Mynjur ka sorkar wow chah u kamai ya ki ar chaka kam ki Bike Taxi

Ka sorkar da mynjur ko yei tyrwa ka chnat pynlai kari wow chah u pynemkaam ya ki kari ar chaka yow man ki kam ki Bike Taxi wei da booh ya ki kyndon (Rules) yei rukom kamai kari (Taxi Aggregator) kamwa leh da ki Uber wa Ola wei ya kiwon kiwon kiwa yakrehlang kiwa em ym duna 10 ngut. Hawa pynbna ya ini, u symbood montri rangbah ka jylla u Prestone Tyngsong da ong u ynnin hawa yaklam wa kiwa thoh khubor wa ka sorkar da pdiang ko ya ini i tyrwa ka chnat neibhah ini i chakri na ini i jait kamai kari yarap bha ko ya ki paidbah kam ha Shillong wa cha kiwi ki chnong kam ha Jowai wa Tura.

Da ong u leh wa ini ym em mut wa du ki Company wa ye u yoh License, kani man ko leh ya ki bru samen kiwa kwah u kamai da ki ar chaka wa ki soo chaka, iwa wai leh ya kiwi ki Company wow wan ki chapoh ka jylla deiwa bood ki yaka kyndon aiñ ka Meghalaya.

Hawa kylli, da ong u wa chisien wa da Register yaka Company namo ka Agency ym yoh de ki wow kam wa man ki kam ki Tribal wei ka Company da man ko ka Non-Tribal kamtæ daw emkaam hi yaka Trading License na ki District Council neibhah wa em i hapoh ka Sixth Schedule.

Also Read: Sdang ka Rapido Bike Taxi ha Shillong