Ka sorkar Meghalaya ha ka yalang ki Montri namo ka Cabinet Meeting da mynjur kow wow pynlait ya ka NEEPCO wow su ya ka Upfront Fees kawa man ka poisa kawa dapoi T. 1 lak chi MW yow yoh 50 MW naka Wah Umiam Stage-I wa 100 MW na Wah Umiam Stage-II Hydro Electric Project wa em ha ka Wah Umiew (River Basin).
Ka NEEPCO da paan leh wow pyndam yei yoh bordiñ wa mynkna iwa 12% iwa da e cha ka jylla heiwa ka sorkar yeini da kyntait ko wow leh.
U Conrad da pyntip u wa neidaw wa ka NEEPCO toh ka Company yong sorkar da mynjur wow maap ya ka T. 1 lak chi Mega Watt tangwa ka bordiñ wa mynkna wa da yoh won ka jylla kawa man 12% u pteiñ ki wei ym pyndooh yeini.
