Ka sorkar ynne ha ka yachemlang ki Montri sorkar da chim ko ya ka rai wow chna ya ka Committee neibynta wow e khusnaam wa tip kam ka Art & Heritage Award ya ki bru kiwa em yei sap hei tem hei put tynre, i thaiñ i woh wa i chna ki mar tynre.
Ya kani ka Committee daw khlieh da u Chief Secretary ka jylla.
Da chim leh ya ka rai wow pynkrehkaam ya ka Meghalaya School Service Rules 2025. Wei kani man ko ka bynta wow wanrah yei man ryntih ya ki skur wei kamjooh wow pynlait ya kiwa sikai na ki jyrwit jyrwat.
Nachwa neidaw ki kyndon ki Service Rules da eh bha wow pynku kyrdan ya kiwa sikai LP School wa Assistant Teacher kiwa da neh heijooh i kyrdan chi slem bha, wei deiwa pynkylla daw pynksuk ko wow pynku kyrdan ya kiwa sikai ha ki LP School ka sorkar.
Da mynjur leh ya yei pynkrehkaam ya ka Meghalaya Town & Country Planning Scheme kawa man neibynta ka New Shillong Township ha i thaw wa heh 290 Sq.Km. yow lait u heh u san ka chnong khlem da pyrkhat jngai deiwa ya krehlang wa waroh kiwa embynta.
Discussion about this post