Mynjur ka sorkar ya ka Policy wow yarap ya kiwa chna phlim deiwa e hadooh ₹1 klur ka Subsidy

Ha ka yachemlang ki Montri sorkar namo ka Cabinet Meeting wa da pynman ynne ka sngi, da mynjur ya ka Meghalaya Film Tourism Policy, 2025 hadien wa da yoh yei e buit yong palat 200 ngut kiwa emkti ha ki kaam chna phlim hawa pynmih ya ka Draft Meghalaya Film Policy chwa wow pynmih ya kani kawa khaddooh.

U Montri Rangbah ka jylla, u Conrad Sangma da ong u wa ka Meghalaya ye ko wow man kam ka thaw wow khriñ ya kiwa chna phlim hapoh ka Northeast, wei deiwa em kani ka Meghalaya Film Tourism Policy 2025 daw ye wow chim kabu yeini.

U chna leh ya ka Film Facilitation Cell ka wow em ki bru napoh ka chnat Tourism, Arts & Culture, DIPR wa kiwi de yow pynku ya ka Meghalaya kam ka thaw chna phlim ym du hapoh ka thaaiñ, ka ri wot cha baar ri.

Ka sorkar u e ko leh ki Subsidy yow pynchlur yei chna phlim hapoh ka jylla:

Neilbynta ki National wa International Films u e hadooh ₹1 klur næ 25% i lut nei pynchna ya ka phlim kawa man ha ki ktien wa em hapoh ka ri wa kamjooh kiwa klam cha baar ri, kiwa pynku leh ya ki kaam uiñke suwari hapoh Meghalaya wei emkaam wa 75% iwa riñdur ya ka phlim toh u man i hapoh ka jylla.

Related posts

Yoh u Hek, u Kyrmen, u Comingone wa u Shakliar da ki chuki Chairman wa Adviser ka sorkar

October 7, 2025

Lai toor kiwa yaleh kreh pulit Meghalaya cha ka Recruitment Board wa joor pynslem u pynbna Result

October 7, 2025

Neibynta ki Local Film u e yarap ₹50 lak ka Subsidy kiwa man hei ktien Khasi, Pnar wa Garo kawa daw e chisien ar snem ya uwi uwa chna phlim.

Neibynta won kiwa pynmih ya ki TV & OTT Content, ka Subsidy toh kawa da em yow pynmih TV Serial, Web Series wa ki Original OTT Show kiwa chna hapoh Meghalaya.

Neibynta ki Documentary wa Short Film leh da em ki Grants wa da e ka sorkar neibynta kiwa riñdur hapoh Meghalaya.