Ka sorkar Meghalaya ynne hapoh ka yalang ki Montri sorkar namo ka Cabinet Meeting da mynjur ko ya ka Meghalaya Mining Prevention of Illegal Mining, Transport & Storage Rule 2022 neibynta ki mar pohkhyndaw wa tip kam ki Major wa Minor Minerals wa kynthup lang nadooh u mooyong wa u chyiap.
Hawa yaklam wa kiwa pathai khubor hadien ka yalang, neiliang u Montri Rangbah ka jylla, u Conrad Sangma da pyntip u wa ya kini ki kyndon (Rules) da pynkrehkaam hapoh ka Section 21 ka aiñ MMDR Act 1957 heiwa ya ini ym em da leh la 20-30 snem da ka sorkar wei da phah leh da ka NGT wow leh yeini heiwa ya kini ki Rules da toh wow chna da ki sorkar jylla. Heiwa ka NGT leh da khana ko wa kammon u leh yeini.
Da ong u wa deiwa pynkrehkaam da kini daw booh kyndon yei rukom e ya ki Transport Challan, hadooh i rukom kit ya ki mar pohkhyndaw, i rukom booh ya ki mar wei yow pait leh yei kit tooh ya ki mar.
Chooh chooh da ong u leh wa i wym em kini ki kyndon hapoh ka jylla da yoo leh da ka NGT kawa da phah leh smat yeini.
