Mynjur ka sorkar ya le tylli ki Airlines thymme hapoh India

Kiwa pynlai ya ki lieñsuiñ namo ki Airlines wa thymme wa tip kam ka Al Hind Air wa ka FlyExpress da yoh ki ya ki No Objection Certificates (NOC) na ka Civil Aviation Ministry ka sorkar India. Chwa kini da em leh kawi kawa na Uttar Pradesh kawa tip kam ka Shankh Air kawa dadep yoh NOC.

Ka Al Hind Air toh kawa daw pynlai da ka Alhind Group kawa na Kerala.

Kamwa man kattæ ki Airlines wa hær hapoh ka ri da em ki 9 tylli heiwa ka Fly Big toh kawa da sangeh ha u October.

Ka IndiGo wa ka Air India Group kawa pynlai ya ka Air India wa Air India Express deilang da ksoh ki palat 90% ka yaaw ka haat hapoh ka ri.

U Civil Aviation Minister, u K Rammohan Naidu da pyntip u yeini wa ya ka Shank Air da yoh NOC chwa wei ka Al Hind Air wa ka FlyExpress da yoh NOC ki ha kani ka tayaaw.

Related posts

Da wai ya ka Digital Learning Centre ha District Library Jowai wei sdang leh yaka Book Fair wa ar sngi

March 6, 2026

Yoh ka chnong Jowai ya ka Digital Learning Centre ka wow yarap leh ya kiwa yakhun IAS

March 6, 2026

Da pyntip u wa deiwa em ki Scheme kam ka UDAN, da yarap ko wow sdang kiwa pynlai lieñsuiñ kam ka Star Air, India One Air wa Fly91.

Najrong ka Air India, Air India Express, IndiGo wa ka Alliance Air, kiwi de kiwa krehkaam toh ka Akasa Air, SpiceJet, Star Air, Fly91 wa ka IndiaOne Air.

Ha ki snem wa da lai, ka Go First wa Jet Airways toh kiwa da sangeh.