Ka United Democratic Party (UDP), da pynbna ko wa da mynjur yei pyrtuid ki soo ngut ki kyrtong MDC cha ka KHADC kiwa da phah da ka chnat Shillong City District ka Party wei yei ki pyrtuid daw pynbna ha ka 13 tarik uni u bnai.
Ki kyrtong wa da pynbna toh u Desmond L Mawlong na Nongthymmai, u Mitchel Wankhar uwa man kam u MDC katni uwa daw yakhun na Laban-Mawprem, u Auguster Jyrwa na Jaiaw wa u James Ban Basaiawmoit na Mawkhar-Pynthorumkhrah.
U Desmond man u leh kam u Nongthymmai Circle Secretary kamjooh uwi na ki wym jooh em chaad cha kiwi ki Party.
U Auguster won man u kam uwa jooh yahkhmat ya ka KSU uwa dadep yakhun MDC ha u 2019 kam u kyrtong samen na Jaiaw hi.
Mitchel uwa man kam u MDC ka Laban Mawprem katni u yakhun u na kani hi katwa u MDC warim, u James Ban Basaiawmoit u yakhun u na Mawkhar-Pynthorumkhrah.
I pyrtuid yong ki kyrtong wa da pyntikna da ka State Election Committee ka UDP daw pynbna ha ka thup wa nyngkong ha kani ka 13 tarik wei kiwa dang sah daw pynbna hadien won.
Discussion about this post